| S1324 | 7365.65 Index schepenprotocol Oss (7365.65) Samenvatting op bhic.nl: Jan Henrick Joosten voir deen helft ende Walborch dochtere Henrick Joosten weduwe Goert Peeters, daernae weduwe Aert Jochims, geassisteert met Adriaen soone Goert Peeters, Aert Pauwels Lamberts als man van Lijsken, Dierck soone Jan Neelen als man van Peeterken, beijde dochteren Goert Peeters ende Walborch voirgenoemt, Goert soone Aert Jochims ende Walborch inden tweeden houwelijck tsaemen verweckt als haere kijnderen ende de selve kijnderen hen sterck maeckende voirde selve Walborch henne moedere voir dander helft, hebben gerenuntieert op d’erffelijcheijt van een stuck lants van 4 vaetsaet lants gelegen in Oss ter plaetschen genoemt op lievencamp clootende op Peeter Claes hoff, belendingen: den heijligen geest vanden Bossche; erfgenamen Rover Heesbeen; de voirs Peeter Claes hoff; jonker Dierck van Oss; item noch een stuck lants 4 vaetsaet lants gelegen in Oss inde loockaert, belendingen: Henrick Peeters; Claes Peeters; het steecxken aldaer; Jan de Vrieze ende Willem Wouterssen kreijnennest; item noch op een stuck lants 4 vaetsaet lants gelegen in Oss ter plaetschen genoempt inden reemwaert mette heij daer teijnden te lancx doir totten heijcamp van derffgenamen Lenaert Peeters van Heeswijck metten halven graeve, belendingen: Dierck Huijberts; Iken Remmen; de paprotsche steghe; item noch opte gerechticheijt ende gedeelte in eenen halven mergen lants onder Teeffelen op fijen lant hen comparanten souden mogen naemaels competeeren, tot behoeff van Jan Thonis Janss, welcke voirs perceelen de voirs comparanten ierst naer doot vanden selven Jan Thonis Janssen soude connen hebben aenverden dan doir accordt ende moderatie in desen gemaeckt; inder vuegen dat den selven Jan van hem gereeth voir derffelijcheijt heeft bij desen geschoeten de somme van 510 carolus gulden. Actum 9-5-1636, testes Jacop Lamberts ende Ruth Jacops, scabini in Oss. |